છોટાઉદેપુર: આસુરી શક્તિ પર દૈવી શક્તિના વિજયનો પર્વ વિજયાદશમી. આ દિવસે શસ્ત્રપૂજનની ભારતીય સંસ્કૃતિમાં પરંપરા છે. વિજયાદશમીના પાવન અવસરે છોટાઉદેપુરના ખૂટાલીયાના પોલીસ હેડકવાર્ટર ખાતે ના.પો.અધિક્ષક કે.એચ.સૂર્વવાંશી,પી.આઇ એમ.જે.ચૌધરી તથા અન્ય પોલીસ અધિકારી અને પોલીસ કર્મચારીઓ, પોલીસ જવાનો સાથે શસ્ત્રપૂજન કર્યું હતું. જિલ્લા હોમગાર્ડ કચેરી દ્વારા પણ આ અવસરે શસ્ત્રપૂજન કરવામાં આવ્યું હતું.
ના.પો.અધિક્ષક કે.એચ.સૂર્વવાંશીએ સૌ સુરક્ષા કર્મીઓને વિજયાદશમીની શુભેચ્છાઓ પાઠવી હતી. સમાજ રક્ષા અને સુરક્ષાના દાયિત્વ સાથો સાથ કરૂણા, સંવેદના રાખી પોલીસ દળને કર્તવ્યનો સંદેશ આપ્યો હતો. પોલીસદળની કર્તવ્યપરાયણતાને બિરદાવી હતી.