ગુજરાતની વિકાસ યાત્રાને અવિરત ચાલુ રાખી નાગરિક પ્રથમ અભિગમ સાથે લોકાભિમુખ અને સક્રિય શાસનના પગલાના ભાગરૂપે રાજય સરકાર દ્વારા સમગ્ર રાજયમાં દર વર્ષે ૭ થી ૧૫ ઓકટોબર દરમિયાન ‘વિકાસ સપ્તાહ’ ઉજવણી કરવામાં આવી રહી છે. રાસાયણિક અને ઝેરી દવાઓને કારણે જમીન, પાક અને પર્યાવરણને થતા નુકસાનથી વણસી રહેલી સ્થિતિને સુધારવા તેમજ લોકોને નિરોગી અને તંદુરસ્ત સ્વાસ્થ્ય મળી રહે તે હેતુથી રાજ્યસરકાર દ્વારા ખેડૂતોને પ્રાકૃતિક ખેતી કરવા આહ્વાન કરાઇ રહ્યું છે. ત્યારે જિલ્લા પંચાયતના ખેતીવાડી વિભાગના ખેતીવાડી પેટા વિભાગ જબુગામ ખાતે પ્રાકૃતિક ખેતી અંગે મદદનીશ ખેતી નિયામક કે.એ. પટેલ અને ડી.આર. પટેલ દ્વારા વિસ્તરણ અધિકારીઓ તથા ગ્રામસેવકશ્રીઓની તાલીમનુ આયોજન કરવામાં આવ્યું હતું જેમાં જરુરી માર્ગદર્શન પુરુ પાડવામાં આવ્યુ હતું. ઉપસ્થિત સૌએ વિકાસ સપ્તાહ અંતર્ગત ‘ભારત વિકાસ પ્રતિજ્ઞા’ લીધી હતી.
