સુરત
સુરતમાં એક શરમજનક ઘટના સામે આવી છે. સુરતમાં અસામાજિક તત્વો બેલગામ બની ગયા છે. સુરતમાં મહિલાઓની ઈજ્જત સાથે રમતના દ્રશ્યો જોવા મળી રહ્યા છે. જો તમે દીકરીના પિતા છો તો આ તસવીરો તમને વિચારવા મજબૂર કરી દેશે કે શું ગુજરાતમાં દીકરીઓ સુરક્ષિત નથી? સુરતમાં યુવતીઓની છેડતીનો કિસ્સો પ્રકાશમાં આવ્યો છે.
જાહેરમાં દીકરીઓની છેડતીનો વીડિયો વાયરલ થયો છે. શહેરમાં દીકરીઓની ખુલ્લેઆમ છેડતી થાય છે. આ વીડિયો સામે આવ્યા બાદ સવાલ ઉઠી રહ્યા છે કે શું અસામાજિક તત્વોને પોલીસનો ડર નથી? ગુનેગારોને પોલીસનો ડર કેમ નથી? સુરતમાં ગુનાઓ કેમ સામાન્ય બની ગયા છે?
સુરતમાં અસામાજિક તત્વો ખુલ્લેઆમ રસ્તાઓ પર ફરી રહ્યા છે. તેઓ છોકરીઓની છેડતી કરી રહ્યા છે. સુરતના અંજના સ્થિત અમન સોસાયટીમાં છેડતીની ઘટના સામે આવી છે. જેમાં અસામાજિક તત્વોએ રસ્તા પર ચાલતી યુવતીઓની છેડતી કરી હતી. ત્યારે આ સ્થળથી માત્ર 5 ફૂટ દૂર છેડતીનો વધુ એક બનાવ બન્યો હતો. જ્યાં મોપેડ પર ઉભેલી યુવતીની પણ છેડતી કરવામાં આવી હતી.
સમગ્ર ઘટનાના CCTV ફૂટેજ સામે આવ્યા છે. અમન સોસાયટીના પ્રમુખ વતી ઉધના પોલીસ સ્ટેશનમાં લેખિત અરજી પણ આપવામાં આવી છે. હાલ પોલીસે CCTVના આધારે વધુ તપાસ હાથ ધરી છે. સુરતની ઘટનાએ ગુજરાતમાં ભારે ચર્ચા જગાવી છે. સુરતમાં હવે ગુંડાઓનો ડર રહ્યો નથી. સુરતમાં હત્યા, છેડતી અને મારપીટના બનાવો સામાન્ય બની ગયા છે.