બોડેલી
બોડેલી તાલુકાના તરગોળ ગામે આવેલ પ્રાથમિક શાળાનો વિડિયો સોશિયલ મીડિયામાં વાઇરલ થયો છે આ વિડિયોમાં શાળાના વિધાર્થીઓ પાસે માટી અને ટાઈસો ઉપાડવાની કામગીરી કરતા હોવાનું સામે આવ્યું છે ગામના વિદ્યાર્થીઓને આ રીતે કામ કરતા જોઇ સ્થાનિકોમાં રોષ ફાટી નીકળ્યો હતો.
બોડેલીના તાલુકાના અંતરિયાળ વિસ્તારમાં આવેલ તરગોળ સરકારી પ્રાથમિક શાળામાં વિધાર્થીઓ પાસે કામગીરી કરાવતો વિડિયો સોશિયલ મીડિયામા વાઇરલ થયો છે વિદ્યાર્થીઓ પાસે શાળામાં ટાઈસ તેમજ માટી ઉપાડવાની કામગીરી કરાવવામાં આવતી હોવાનું સામે આવ્યું છે જ્યારે ટાઈસ એક જગ્યાએ થી બીજી જગ્યાએ લઈ જતા નજરે પડ્યા હતા
જ્યારે જાગૃત નાગરિકે વિડિયો સોશ્યલ મડિયામાં વાઇરલ થતા વાલીઓમાં રોષ ફેલાયો છે સરકારી નિયમોને ઘોળી પી જતા શાળા તંત્ર સામે ઉચ્ચકક્ષાએથી તપાસ થવી જોઈએ તેવી સ્થાનિકોની માંગ થવા પામી છે.
આ બાબતે શનિવારે જ્યારે દિવ્ય ભાસ્કરની ટીમ શાળાની મુલાકાત લીધી ત્યારે માટીના ઢગ શાળામાં નજરે પડ્યા હતા ત્યારે અહીં સવાલ એ ઉભો થાય છે કે વાઇરલ વિડિયો પણ એક બે દિવસ પહેલાનો હોઈ શકે, ત્યારે આ અંગે શાળાના ઇન્ચાર્જ આચાર્યને આ બાતે પૂછજતા પોતાનો બચાવ કર્યો હતો
જિલ્લા શિક્ષણ વિભાગે તપાસ સમિતિની રચના કરી
બોડેલી તાલુકાના તરગોળ પ્રાથમિક શાળામાં વિદ્યાર્થીનીઓ પાસે શૌચાલયની સફાઈ કરાવવાનો વીડિયો વાયરલ થયો છે. પ્રાથમિક શાળામાં વિદ્યાર્થીનીઓ પાસે સ્કૂલના શાળા તંત્ર દ્વારા શૌચાલયની સફાઈ કરાવવામાં આવી રહી છે. આ વીડિયો વાયરલ થયા બાદ વાલીઓમાં રોષ ફાટી નીકળ્યો છે મહત્વની વાત એ છે કે, સરકાર દ્વારા પ્રાથમિક શાળાને સફાઈ માટે ગ્રાન્ટ ફાળવવામાં આવી રહી છે છતાં વિદ્યાર્થીઓ પાસે સફાઈ કરાવવામાં આવી રહી છે
આ બાબતે મને કોઈ ધાયન નથી
હું શાળાનો એક શિક્ષક છું હું અહીંયા ઇન્ચાર્જ આચાર્ય તરીકે છું વહીવટી નથી આચાર્ય બહેન જ છે બધું જવાબદારી અને નિર્ણય તેઓ જ લે છે સીઆરસી, કે તાલુકા લેવલે મારે કોઈ માહિતી આપવાની થઈ તે માહિતીને અડચરરૂપ ન થાય આ બહેન નથી અને માહિતી મોકલવાની થાય છે તો તે માહિતીને હું ફોરવડ કરી શકું છું તેના માટે ફક્ત મને શૈક્ષણિક ચાર્જ, આ બાબતે મને કોઈ ધ્યાન નથી
રોહીત ભાઈ – ઈન્ચાર્જ આચાર્ય