બોડેલી: બોડેલી તાલુકામાં આવેલી શિવ ભારતી ઇંગ્લીશ મીડીયમ શાળામાં આજે શુક્રવારના રોજ વિજ્ઞાન મેળા નું આયોજન કરવામાં આવ્યું હતું. જેમાં 36 જેટલી કૃતિઓ શાળા કક્ષાએ તૈયાર કરવામાં આવી હતી. આજની સમસ્યાનું નિવારણ કરતી ઘણી બધી કૃતિઓ તેમજ ભવિષ્યમાં આવનારી કટોકટીની સમસ્યાઓનું નિવારણ કરતી કૃતિઓ રજૂ કરવામાં આવી હતી. મુખ્ય મહેમાન તરીકે આવેલા છોટાઉદેપુર જિલ્લાના શિક્ષણ સમિતિ ચેરમેન સંજયભાઈ રાઠવાએ બાળકોને પ્રોત્સાહિત કરતા કહ્યું કે બાળકો એ આવતીકાલનું ભવિષ્ય છે અને આવા કાર્યક્રમો થકી બાળકોમાં રહેલી સુષુપ્ત શક્તિઓ બહાર આવે અને બાળકો પોતાની સુષુપ્ત શક્તિઓનો ઉપયોગ કરીને રાષ્ટ્રનું નામ રોશન કરે તેમ જણાવ્યું હતું. આ કાર્યક્રમમાં સીઆરસી કો-ઓર્ડીનેટર નગીનભાઈ રાઠવા ઉપસ્થિત રહીને બાળકોને પ્રોત્સાહિત કર્યા હતા.
