અમદાવાદ, એજન્સી
અમદાવાદ એરપોર્ટને ઉડાવી દેવાની ધમકી મળ્યા બાદ સુરક્ષા એજન્સીઓ સક્રિય થઈ ગઈ છે. જેદ્દાહથી અમદાવાદ જતી ઈન્ડિગોની ફ્લાઈટમાંથી એક હાથથી લખેલી ચિઠ્ઠી મળી આવી હતી, જેમાં અમદાવાદ એરપોર્ટને ઉડાવી દેવાની ધમકી આપવામાં આવી હતી, જેના કારણે સુરક્ષા એજન્સીઓ હચમચી ગઈ હતી. સુરક્ષા એજન્સીએ વિમાનમાંથી તમામ મુસાફરોને નીચે ઉતારી દીધા છે અને ચિઠ્ઠી લખનાર વ્યક્તિની ઓળખ કરવા માટે દરેકના હસ્તાક્ષરના નમૂના લેવાનો નિર્ણય લીધો છે.
આપને જણાવી દઈએ કે, અમદાવાદના સરદાર પટેલ આંતરરાષ્ટ્રીય એરપોર્ટ પર એક અજાણ્યા વ્યક્તિ દ્વારા લખાયેલો પત્ર મળ્યો જેમાં એરપોર્ટને ઉડાવી દેવાની ધમકી આપવામાં આવી હતી: શરદ સિંઘલ, જેસીપી અમદાવાદ ક્રાઇમ બ્રાન્ચ
અમદાવાદ એરપોર્ટ પર જ્યારે મુસાફરો ઇન્ડિગોની ફ્લાઇટમાંથી ઉતર્યા ત્યારે સફાઈ કામદારો ફ્લાઇટની સફાઈ કરી રહ્યા હતા. તે દરમિયાન એક હસ્તલિખિત પત્ર મળી આવ્યો. જેમાં એરપોર્ટને ઉડાવી દેવાની ધમકી આપવામાં આવી હતી. એરપોર્ટ ઓથોરિટીએ પોલીસને આ ધમકીભર્યા પત્ર વિશે જાણ કરી અને પોલીસ ઘટનાસ્થળે પહોંચી ગઈ.