બોડેલી
રાષ્ટ્રીય શિક્ષણ નીતિ 2020 (NEP 2020) તથા સ્કૂલ ઓફ એક્સલન્સ પ્રોજેક્ટ અંતર્ગત અધ્યયન નિષ્પત્તિ આધારિત શિક્ષક તાલીમ સંદર્ભે તા.૦૫/૧૨/૨૦૨૪ થી ૦૭/૧૨/૨૦૨૪ ત્રણ દિવસ અંગ્રેજી વિષયના સો જેટલા શિક્ષક તાલીમાર્થીઓએ તાલીમ લીધી હતી જેમાં પાંચ તજજ્ઞો અને કન્વીનર છોટાઉદેપુર ડાયટ બી.એમ.સોલંકી દ્વારા અંગ્રેજી વિષયને અનુલક્ષીને વિવિધ માર્ગદર્શન આપવામાં આવ્યું હતું આ કાર્યક્રમનો ઉદ્દેશ વિદ્યાર્થીઓને વ્યવસાયિક અને ટેકનિકલ ક્ષેત્રમાં મજબૂત કુશળતા પ્રદાન કરવાનો છે, જેથી તેઓ ભવિષ્યમાં યોગ્ય વ્યવસાયિક મંચ પર પોતાનું સ્થાન મેળવી શકે. તાલીમના ત્રીજા દિવસે સોનાની સુગંધ સમા જિલ્લા શિક્ષણ અધિકારી શ્રી આનંદકુમાર પરમાર સાહેબે વર્ગોની મુલાકાત લઈ તાલીમાર્થીઓ પાસેથી તાલીમના રીવ્યુ લીધા હતા બી.એમ.સોલંકી દ્વારા વિશેષ માર્ગદર્શનમાં આજના કોમ્પીટીશનના યુગમાં આપણે સતત કાર્યશીલ રહી વિદ્યાર્થીઓના જીવનને પ્રગતિ સાથે સફળ બનાવવા આપણે શું ફાળો આપી શકીએ તેના વિશે સમજ પૂરી પાડતા સૂચન આપ્યું કે “રાષ્ટ્રીય શિક્ષણ નીતિ 2020 અનુકૂળ આ યોજનાના માધ્યમથી દેશના વિદ્યાર્થીઓને વિશ્વસ્તરીય શિક્ષણ અને વ્યવસાયિક માર્ગદર્શન પ્રદાન કરવા માટે પ્રતિબદ્ધ છે.”ત્યારે ટેકનીકલ શિક્ષણ પર વધુને વધુ ભાર આપવા પર માર્ગદર્શન પૂરું પાડ્યું વધુમાં જણાવ્યું હતું કે આ પ્રકારની તાલીમોથી વિદ્યાર્થીઓની કારકિર્દી માટે મજબૂત આધાર મળશે.
શિક્ષકોશ્રીઓને આધુનિક ટેક્નોલોજી અને કુશળતાઓથી અવગત કર્યા હતા ત્યારે અશોક રાઠવા સાથે રહ્યા અંતે શાળાના
આચાર્ય યુ.વાય.ટપલાએ ડીઈઓના દિશાદર્શનથી પ્રભાવિત થઈ અંત:પૂર્વક આભાર માન્યો હતો