• તંત્રની બેજવાબદારી અને આંખ આડા કાન કરવાની નીતિનું પરિણામ
વન વિભાગની બેજવાબદારી અને આખ આડા કાન કરવાની નીતિનું પરિણામ જોવામળી રહ્યુ છે.ડભોઇ તાલુકા ના ચાંદોદના જુના માંડવા ગામની સીમમાંથી ૩૦થી૪૦ વર્ષથી અડીખમ ઉભેલા લીલાં વૃક્ષોનું નિકંદન કેટલાક દિવસથી થઈ રહેલ છે. લાખોના તોતિંગ વૃક્ષોના લાકડા સગે કરાતા હોવા છતાં તંત્ર નિદ્રામાં જોવા મળી રહેલ છે. ડભોઈ તાલુકાના ચાંદોદની આસપાસના નવા-જૂના માંડવા, શણોર, ફૂલવાડી, નંદેરીયા ભીમપુરા, કરનાળી જેવા ગામો અને સીમમાં વર્ષો જૂના ઇતિહાસને સંઘરી બેઠેલા જોગી સમ તોતિંગ વૃક્ષોના જતન અને તેને સુરક્ષિત રાખવા વન વિભાગ બેદરકાર રહેતાં વિરપ્નોને ઉઘાડે છોગ વૃક્ષોનું નિકંદન કાઢી રહ્યા છે. આવા તત્વો સામે નક્કર કાર્યવાહી નહીં થતાં જીવદયા અને પર્યાવરણ પ્રેમીઓ તંત્ર સામે શંકા સેવી રહ્યા છે.
પ્રાપ્ત થયેલ માહિતી અનુસાર છેલ્લા કેટલાય દિવસથી ચાંદોદ પાસેના ફૂલવાડી નજીક ઓરસંગ નદી કાંઠે આવેલા જુના માંડવા ગામની સીમમાં ૩૦ થી ૪૦ વર્ષ જૂના અડીખમ ઉભેલા ખેર, આંબલી, લીમડો, સીમડો, હમડો, ગુંદો, ગોરાસામલી જેવા વૃક્ષોનું મોટા પાયે નિકંદન થઈ રહ્યું છે.સ્થાનિક પંચાયત, મામલતદાર તેમજ વન વિભાગ ને અંધારામાં રાખી કોઈપણ જાતની પરવાનગી વિના વેપારીએ સંખ્યાબંધ વૃક્ષોનું નિકંદન કાઢી છેલ્લા કેટલાંક દિવસથી ટેમ્પો મારફતે લાખો ના તોતિંગ વૃક્ષોના લાકડા વગે કર્યા હતા.આ અંગે પર્યાવરણ પ્રેમીઓએ ઉચ્ચ કક્ષાએ રજૂઆત કરવા છતાં વન વિભાગ અને તંત્ર દ્વારા કડક કાર્યવાહી ન કરાતા ચાંદોદમાં વૃક્ષ છેદનની અવિરત ચાલી રહેલી પ્રવૃત્તિ જોવા મળેલ છે. ડભોઇ મામલતદારને રિપોર્ટ સુપરત કરાયો શું આગળની તપાસ કરાશે !!
ડભોઇ તાલુકાના ચાંદોદ પાસેના જુના માંડવા ગામની સીમમાં થતા ગેરકાયદે વૃક્ષછેદન બાબતની જાણ થતાં વન વિભાગે સ્થળ પર જઈ સદર કામગીરી અટકાવી ટેમ્પોમાં ભરેલા લાકડા ખાલી કરાવી વેપારી જવાબ લીધો છે. વેપારી દ્વારા મોટા પ્રમાણમાં અન્ય સ્થળે ખસેડવામાં આવેલો મોટો જથ્થો તેમજ સીમમાં કટિંગ થઈને પડેલા લાકડાના જથ્થા સહિતની બાબતોનો સર્વે કરી ડભોઇ મામલતદારને રિપોર્ટ સુપરત કરાયો છે. જેથી આગળની તપાસની કાર્યવાહી થઈ શકે તેમ છે. ડભોઇ વન વિભાગ દોડતું થયું હતું. જુના માંડવાની સીમમાં આવી પહોંચેલા વન રક્ષક ચાલી રહેલા ગેરકાયદે વૃક્ષ છેદનની પ્રવૃત્તિ અટકાવી હતી અને એક આઇસર ટેમ્પોમાં ભરાતા લાકડા ખાલી કરાવી વેપારીનો જવાબ લેવાની કાર્યવાહી કરી સંતોષ માન્યો હતો. અને તેઓએ આ અંગે કંઈ પણ બોલવાનો ઇનકાર કર્યો હતો.
ફોટો લાઇન
ડભોઇ તાલુકાના ચાંદોદ પંથકના ગામોમાંથી મોટાપાયે વર્ષો જુના વૃક્ષોનું ગેરકાયદેસર નિકંદન થઈ રહ્યું હતું. જે ટેમ્પામાં ભરવામાં આવી રહેલતે ટેમ્પાને અટકાવાયો હતો.
જે ટેમ્પો તસવીરમાં નજરે પડે છે.
(તસવીર :બાલકૃષ્ણ શાહ -ડભોઇ)