બોડેલી – 1-11-2024
દિવાળી પ્રસંગે છોટાઉદેપુર જિલ્લાના શહીદ પોલીસ જવાનોના ઘરે જઈ જિલ્લા પોલીસ વડાએ શહીદોના પરિજનોને દિવાળી શુભેચ્છા પાઠવી દિવાળીની ભેટ અર્પણ કરી હતી
છોટાઉદેપુર જિલ્લામાં શાંતિપૂર્વક માહોલમાં લોકો દિવાળી સહીતના પર્વની ઉજવણ કરી શકે તે માટે છોટાઉદેપુર જિલ્લા પોલીસ સતત પ્રયત્નશીલ છે ત્યારે પોલીસ વિભાગ પ્રત્યે હંમેશા સંવેદનશીલતા દાખવતા છોટાઉદેપુર જિલ્લા પોલીસ વડા ઈમ્તિયાઝ શેખ તેમના વ્યસ્ત કાર્યક્રમ વચ્ચે શહીદના પરિજનોને મુલાકાત કરી હતી ઈમ્તિયાઝ શેખની સાથે છોટાઉદેપુર જિલ્લા એલસીબી પોલીસ ઇન્સ્પેક્ટર વી.એસ ગાવિત તેમજ પાવીજેતપુરના પોલીસ મથકના પોલીસ ઇન્સ્પેક્ટર એલ.પી રાણા તેમજ બોડેલી પોલીસ મથકના પીઆઈ ડી.એસ વાઢેર સહિતના પોલીસ અધિકારીઓ અને પોલીસ કર્મીઓ પાવીજેતપુર તાલુકાના કોલીયારીના શહીદ થયેલા પોલીસ કર્મી દિલીપ રાઠવા તેમજ બોડેલી ટાઉનમાં રહેતા અને શહીદ થયેલા હરસનભાઈ રાઠવાના ઘરની રૂબરૂ મુલાકાત આવી પોહચ્યા હતા
તેમની મુલાકાત દરમિયાન શહીદોના પરિજનોને પોલીસ વડા ઈમ્તિયાઝ શેખે સહિતના પોલીસ અધિકારીઓએ દિવાળી શુભેચ્છા પાઠવી દિવાળીની ભેટ અર્પણ કરી હતી આ ઉપરાંત શહીદ થયેલા પરીવારજનોને કોઇ પણ મુશ્કેલીના સમયે છોટાઉદેપુર પોલીસ હંમેશા તેમના માટે મદદરૂપ રહેશે તેવી ખાતરી આપી હતી
