બોડેલી | 24-10-2024
બોડેલી નજીકથી પસાર થતી નર્મદા મુખ્ય નહેરમાં ગત બુધવારે કિકાવાડાની પરણિત યુવતીએ મોતની છલાંગ લગાવી હતી યુવતી ઝાંપાવ્યું હોવાની માહિતી ફાયર ફાયટર સહીત સ્થાનિક તરવૈયાઓને થતા શોધખોળ કરી હતી જો કે યુવતીનો કોઈ પતો મળ્યો ન હતો જયારે બીજા દિવસે કેનાલમાંથી ચારોલા ગેટ પાસેથી મૃતદેહ મળી આવ્યો હતો
છોટાઉદેપુર તાલુકાના રોજકૂવા ગામે રહેતા ભુરાભાઈ મોહનભાઈ રાઠવાની પુત્રી સોનલ રાઠવાના લગ્ન લગભગ બે વર્ષ પૂર્વે કિકાવાડા ગામે રહેતા અંકિત રાઠવા સાથે થયા હતા સોનલ રાઠવા છોટાઉદેપુરના ફતેપુરા વિસ્તારમાં આવેલ નર્સિગ કોલેજમાં અભ્યાસ કરતી હોઈ ગઈકાલે સવારના સમયે નર્સિગ કોલેજ ખાતે અભ્યાસ અર્થે જવાનું કહી નીકળી હતી સોનલ રાઠવા બોડેલી તાલુકામાંથી પસાર થતી નર્મદા મુખ્ય નહેર પાસે આવી તેના પતિ અંકિત રાઠવાને વોટ્સએપના માધ્યમથી કેનાલનો ફોટો મોકલ્યો હતો થોડાક સમયમાં અંકિત સહિત તેના પરિજનો જોતા ચિંતામાં મુકાયા હતા અને બોડેલી નર્મદા મુખ્ય નહેર પાસે શોધખોળ કરી હતી જો કે નહેર પાસેથી સોનલની બેગ સહિતની ચીજવસ્તુઓ મળી હતી બનાવની જાણ છોટાઉદેપુર ફાયર ફાયટર અને સ્થાનિક તરવૈયાઓ ટીમ સહિત પોલીસને થતા તાત્કાલિક સ્થળ પર પોહચ્યા હતા અને શોધખોળ શરૂ કરાઈ હતી પરંતુ પતો લાગ્યો ન હતો. જ્યારે બીજા દિવસે શોધખોળ કરતા નહેરના ચારોલા ગેટ પાસેથી મૃતદેહ મળી આવ્યો હતો જેને બોડેલીની સામૂહિક આરોગ્ય કેન્દ્રમાં મોકલી આપવામાં આવ્યો હતો સોનલ રાઠવાએ મોતને વહાલું કેમ કર્યું તેની માહિતી મળી શકી નથી જો કે સમગ્ર બનાવને લઈ બોડેલી પોલીસે વધુ તપાસ હાથ ધરી છે