છોટાઉદેપુર: બોડેલી પાસે આવેલા ઓરસંગ નદીના પુલ ઉતરતા દૂધના ટેન્કરે ચાલતી જતી મહિલાને અડફેટે લેતા સારવાર દરમિયાન મહિલાનું મોત નીપજ્યું છે જ્યારે બનાવને લઈ મૃતક મહિલાના પતિએ બોડેલી પોલીસ મથકે ફરિયાદ નોંધવતા પોલીસે ગુનો દાખલ કરી વધુ તપાસ હાથ ધરી છે
બોડેલી તાલુકાના અજાલી ગામે મંદિર ફળિયામાં રહેતી ટીનાબેન તડવી (ઉ.વી ૪૨) પોતાના ઘરે ચાલતા જતા હતા ત્યારે ઓરસંગ નદી પર આવેલ પુલ ઉતરતા અજાલે ગામના સ્મશાન તરફ જતા રોડ પર પૂરપાટ દોડતા દૂધ ભરેલા ટેન્કરે ટીનાબેને અડફેટે લીધી હતી જેથી મહિલા રોડ પર પટકાતા શરીરના અનેક ભાગોમાં ગભીર ઈજા પોહચતા સારવાર અર્થે બોડેલી ખસેડવામાં આવી હતી જો કે સારવાર દરમિયાન ટીના બેનનું મોત નીપજ્યું છે જ્યારે બનાવને લઈ પરિજનોમાં શોકનો માહોલ છે પોલીસે લાશને પીએમ અર્થે ખસેડી ટેન્કરના નંબરના આધારે ચાલકની શોધખોળ હાથ ધરી છે મૃતક મહિલાના પતિ અંકેશ તડવીએ બોડેલી પોલીસ મથકે ફરિયાદ નોંધવતા પોલીસે ગુનો દાખલ કર્યો છે