બોડેલી : બોડેલીની તરગોળ સરકારી પ્રાથમિક શાળામાં વિધાર્થીઓ સાથે કામગીરી કરાવતો વિડિયો વાઇરલ થયા બાદ ગ્રામજનોએ વિરોધ કરી શાળાને તાળાબંધી કરી હતી જો કે ગ્રામજનોએ જિલ્લા કક્ષાએ રજૂઆત બાદ અધિકારીઓ દ્વારા યોગ્ય કાર્યવાહીની ખાતરી આપતા ચાર દિવસ બાદ શાળાના દરવાજા ખોલી દેવાયા હતા અને શાળા શિક્ષણકાર્ય શરૂ થયું હતું
બોડેલી તાલુકાની તરગોળ સરકારી પ્રાથિમક શાળામા વિધાર્થીઓ સાથે મજૂરી કામ કરાવતો વિડિયો વાઇરલ થયો હતો જેને લઈ મામલો ગરમાતા આચાર્યની બદલી માંગ સાથે ગ્રામજનો દ્વારા શાળાને તાળાબંધી કરવામાં આવી હતી જ્યાં સુધી આચાર્ય ભાવનાબેનની બદલી ન થાય ત્યાં સુધી શાળાને બંધ રાખવાનું નક્કી કર્યું હતું બાદમાં શિક્ષણ વિભાગ એક્સનમાં આવી ગ્રામજનો અને શિક્ષકોના નિવેદન લઈ અહેવાલ તૈયાર કરવામાં આવ્યો છે જેમાં આચાર્ય ભાવનબેન પાસેથી ચાર્જ લઈ બીજા અન્ય શિક્ષકનો સોંપવામાં આવ્યો આ ઉપરાંત ભાવનાબેન હાલ વિદ્યા સમીક્ષા કેન્દ્ર પર કામ કરશે તેમ જિલ્લા શિક્ષણ વિભાગમાંથી જણાવ્યું હતું જો કે તે પછી ગ્રામજનો જિલ્લા કલેક્ટર, જિલ્લા શિક્ષણ વિભાગમાં અધિકારીને મળી ભાવનાબેનની બદલીની રજુઆત કરતા યોગ્ય કાર્યવાહી ખાતરી આપતા છેવટે સમગ્ર મામલાનો અંત લાવી ગ્રામજનો દ્વારા ચાર દિવસ બાદ શાળાના દરવાજા ખોલી દેવાયા હતા. શુક્રવારે શાળામાં અન્ય શિક્ષકો દ્વારા શિક્ષણકાર્ય રાબેતા મુજબ શરુ થઇ ગયુ હતું.