બોડેલી : ગુજરાતના રાજ્ય શિક્ષણ મંત્રી ડો. કુબેર ડિંડોરે બોડેલી નગરમાં આવેલ કન્યા શાળાની ઓચિંતી મુલાકાત લીધી હતી મુલાકાત દરમિયાન ડો કુબેર ડિંડોરે બાળોને પ્રશ્નોતરી કરી બાળાઓનું જ્ઞાન ચકાસ્યું હતું
આદિવાસી જન ઉત્કર્ષ મહોત્સવ અંતર્ગત ગુજરાત રાજ્યના શિક્ષણ મંત્રી ડો. કુબેરભાઈ ડિંડોર ભગવાન બિરસા મુંડાની 150 મી જન્મ જયંતી ઉજવણી સંદર્ભે છોટાઉદેપુરની મુલાકાતે આવેલ હતા તે દરમિયાન છોટાઉદેપુરથી ડો.કુબેર ડીંડોર બોડેલીની કન્યા શાળાની ઓચિંતી મુલાકાત લેતા દોડધામ મચી હતી તેમની સાથે સંખેડાના ધારાસભ્ય અભેસિંહ તડવી, બોડેલી તાલુકા પંચાયતના પ્રમુખ શીતલબેન મહારાઉલ, અલીખેરવા જૂથ પંચાયતના સરપંચના પતિ વી.ડી રાઠવા, બોડેલી બીઆરસી વિશાલભાઈ પંડ્યા, છોટાઉદેપુર પ્રાથમિક શિક્ષક સંઘના મહામંત્રી રાકેશ પટેલ સહિત અગ્રણાઓ સાથે જુદા જુદા વર્ગખંડમાં બાળાઓનું લખાણ ચકાસણી વગેરે કામગીરીનું નિરીક્ષણ કર્યું હતું.
શાળાના આચાર્ય સંદિપ જયસ્વાલ દ્વારા શાળાકીય બાબતોથી મંત્રી ડો. કુબેર ડિંડોરને માહિતગાર કર્યા હતા આ ઉપરણત ડો કુબેર ડિંડોર બાળાઓ સાથે વાર્તાલાપ કર્યો હતો બાળકો સાથેના વાર્તાલાપમાં બાળકોના જવાબોથી મંત્રી પ્રભાવિત થયા હતા શાળામાં ડિજિટલ બોર્ડ ઉપર બાળાઓ દ્વારા ચાલતી કામગીરી અને ડિજિટલ શિક્ષણને બિરદાવ્યું હતું આ સાથે ડો.કુબેર ડિંડોર બાળાઓ સાથે વાર્તાલાપ કરી ગુજરાતી સહિત અન્ય ભાષાના જ્ઞાન વિશે પ્રશ્નોતરી કરી બાળાઓનું જ્ઞાન ચકાસ્યું હતું મંત્રીએ બાળકોને અભ્યાસ માટે વિસ્તૃત ઉપયોગી માર્ગદર્શન પૂરું પાડ્યું હતું શિક્ષણ મંત્રીએ શાળાના શિક્ષકો અને આચાર્યને સારી કામગીરી બદલ અભિનંદન પાઠવ્યા હતા અને શાળા ઉત્તરોત્તર પ્રગતિ કરે તેવી શુભેચ્છાઓ પાઠવી હતી