બોડેલી
બોડેલીના રણભુન ગામે આવેલ પ્રાથમિક શાળામાં ઓરડાના અભાવે વિદ્યાર્થીઓ પતરાના નીચે અભ્યાસ કરવા મજબૂર બન્યા છે આ શાળામાં ધો. ૧ થી ૮ માં અંદાજે ૨૦૦ જેટલા વિધાર્થીઓ અભ્યાસ કરે છે ત્યારે સરકાર દ્વારા નવીન શાળા બનાવવામાં આવેલી તેવી વાલીઓ માંગ કરી રહ્યા છે
સરકાર એક તરફ સર્વ શિક્ષા અભિયાન, સૌ ભણે સૌ આગળ વધેની મોટે મોટે થી વાતો કરી રહી છે ત્યારે રાજ્યમાં છેવાડે આવેલા છોટાઉદેપુર જિલ્લાની એક પ્રાથમિક શાળા એવી છે કે જ્યાં વિધાર્થીઓ પતરાના શેડની અભ્યાસ લેવા માટે મજબૂર બન્યા છે, બોડેલી તાલુકાના રણભુન ગામે આવેલ પ્રાથમિક શાળામાં એક આચાર્ય સહિત ૭ જેટલા શિક્ષકો વિધાર્થીઓને અભ્યાસ કરાવી રહ્યા છે શાળામાં બે ઓરડા હોવાથી સવારમાં ૭ વાગ્યા થી બપોરના ૧:૩૦ સુધી ધો ૧ થી ૫ ના વિધાર્થીઓ જ્યારે બપોરના ૧૨ થી ૫ માં ધો ૬ થી ૮ ના વિધાર્થીઓ અભ્યાસ કરી રહ્ય છે ઉપરોક્ત શાળામાં ૨૦૦ જેટલા વિધાર્થીઓ અભ્યાસ કરી રહ્યા છે અત્રે ઉલેખનીય છે કે વિધાર્થીઓને અભ્યાસ કરવું છે પરંતુ સરકારે સમયસર ઓરડા ન બનાવ્યા જેને લઈ નાના વિધાર્થીઓ હેરાન પરેશાન થઇ રહ્યા છે. વિકાસની ગુલબાંગો પોકારતી સરકારના અધિકારીઓ છોટાઉદેપુર જિલ્લામાં આવીને શાળાઓની સ્થિતિ જોવે તો સાચી હકીકતો બહાર આવે તેમ છે.
કડકડતી ઠંડીમા વિધાર્થીઓ અભ્યાસ કરવા મજબૂર
વિધાર્થીઓ જ્યાં ભણે તેવી આ શાળાની એક તરફ જાબુઘોડા તાલુકો છે જ્યારે આ શાળા બોડેલી તાલુકો લાગે છે આ ઉપરાંત અનેક પર્વતીય વિસ્તાર લાગતો હોઈ વિધાર્થીઓને ઠંડીમાં આ રીતે ખુલ્લા પતરાના સેડમાં બેસીને ભણી રહ્યા છે હાલ પડી રહેલી કડકડતી ઠંડીમા વિધાર્થીઓ મુસ્કેલી વેઠી રહ્યા છે ત્યારે સરકાર દ્વારા આ વિધાર્થીઓની વેદના સાભળે તે જરૂરી છે
કિચન ઓરડો અને પણ જર્જરિત
બોડેલી તાલુકાના રણભુન ગામે આવેલ પ્રાથમિક શાળાની કમ્પાઉન્ડ વોલ છેલા કેટલાક સમયથી જર્જરિત છે શાળાના વિધાર્થીઓ વોલની બાજુમાં રમે છે અને અવર જવર પણ કરે છે જ્યારે કિચન ઓરડાઓમાં પણ તિરાડો નજરે પડી રહી છે અહીંયા વિધાર્થીઓ માટે ભોજનની વ્યવસ્થા કરવામાં આવતી હોઈ છે ત્યારે વિદ્યાર્થીમાં અકસ્માતનો ભય સતાવી રહ્યો છે