સુરત
સુરતમાં ભૂસ્તર વિભાગની ટીમે સપાટો બોલાવી દીધો છે. જેમાં બે દિવસ સઘન ચેકિંગ અને સરપ્રાઇઝ ડ્રાઈવ હાથ ધરવામાં આવી હતી.. જેમાં બે દિવસમાં આશરે રૂ. 6 કરોડનો મુદ્દામાલ સીઝ કરવામાં આવ્યો હતો.સુરત શહેરના પાલ સ્થિત નદી કિનારે રેડ પાડવામાં આવી હતી.તે સિવાય બારડોલી ખાતેના વાઘેચ ગામમાં પણ રેડ પાડવામાં આવી હતી.. મહુવેજ,વાડી,માંડવીમાં સઘન ચેકિંગ હાથ ધરવામાં આવ્યું હતું.
પાલ અને બારડોલીમાં ગેરકાયદેસર રેતી ખનન સામે ભૂસ્તરશાસ્ત્ર વિભાગે મોટા પગલાં લીધાં છે. ભૂસ્તરશાસ્ત્રીય અધિકારી સાથે મળીને ફ્લાઈંગ સ્ક્વોડ્રનની છ ટીમોએ આ કામગીરી હાથ ધરી હતી. ભૂસ્તરશાસ્ત્ર વિભાગે પાલ અને બારડોલીમાં 60 કરોડ રૂપિયાની કિંમતના 28 ટ્રક અને માલ જપ્ત કર્યો. પાલના રેતીનું ખોદકામ કરતી વખતે એક JCB અને એક ટ્રક જપ્ત કરવામાં આવ્યા હતા.
બારડોલીના વાઘેચામાં, એક જેસીબી, બે નાવડી અને ચાર ટ્રક જપ્ત કરવામાં આવ્યા હતા. દરોડાના બીજા દિવસે, ભૂસ્તરશાસ્ત્ર વિભાગ અને મોબાઇલ ટીમના અધિકારીઓએ વાહનોનું નિરીક્ષણ કર્યું. વિવિધ વિસ્તારોમાં ખાનગી વાહનોનું નિરીક્ષણ કરવા માટે કુલ 6 ટીમો બનાવવામાં આવી હતી અને આ ઝુંબેશમાં 28 ટ્રક કબજે કરવામાં આવ્યા હતા.