બોડેલીમાં કોમી એકતા અને એખલાસનું ઉત્તમ ઉદાહરણ સામે આવ્યું છે બોડેલીના અલીપુરા વિસ્તારમાં એક હિન્દૂ દીકરીનું મુસ્લિમ મામાંએ મોસાળુ ભર્યું હતું આ ઉદાહરણ રાજ્યના લોકો માટે એકતાનો સંદેશો આપ્યો છે
બોડેલીમાં કોમી એકતા અને એખલાસનું ઉત્તમ ઉદાહરણ સામે આવ્યું છે બોડેલી ખાતે ભાઈ બહેનના રિસ્તાની રીત રસમ નિભાવવા નીકળેલા શહીદ મનસુરી રાજ્ય અને દેશ માટે એક ઉમદા ઉદાહરણ રૂપ બન્યા છે હાલ અલીપુરા વિસ્તારમાં રહેતા ઠાકરડા મીનાબેન તેમજ ઠાકરડા સોનલબેનના સગાભાઈનું મૃત્યુ થતાં શહીદભાઈ મનસુરીને જ સગાભાઈ માન્યા છે મોટી બહેન મીનાબેન ઠાકરડા તેમના દીકરા રાહુલનું મામેરુ 8 વર્ષ પહેલા વાજાતે ગાજતે ભર્યું હતુ અને ભાણાનું મામેરુ ભર્યા બાદ આજે સોનલબેનની દીકરી ઉર્વશીબેનનું લગ્ન હોય મોસાળુ ભરવાનું ભૂલ્યા નહી અને આજે તેમના પરિવાર સાથે તેમની માનેલી બહેન સોનલ બહેન ઠાકરડાને ત્યાં સાદગાઈથી પહોંચી મોસાળું ભરી પોતાની મામા તરીકે ની ફરજ અદા કરી અને સર્જાયાં લાગણી ભર્યા દ્રશ્યો જોવા મળ્યા હતા
ધર્મની બેહેનને ત્યાં મુસ્લિમ ભાઈ તેમના પરિવાર સાથે પહોંચ્યા હતાં. ભાણીનું મોસાળુ લઈને આવેલા મુસ્લિમ મામાનું ઠાકરડા પરિવારે ભાવભર્યું સ્વાગત કર્યું ફુલહાર પહેરાવ્યા હતા અને તેમનું મો મીઠું કરાવ્યું હતું ત્યારે હિન્દુ-મુસ્લિમ ભાઇચારાની એક અનોખી મિસાલ જોવા મળી હતી