બોડેલીમાં કોમી એકતાના પ્રતીક સમાન હઝરત ગેબનશા દાદાના ઉર્ષની ધામધૂમથી ઉજવણી કરવામાં આવી હતી શિરોલા કમ્પાઉન્ડમાં યોજાયેલ કવ્વાલીના પ્રોગ્રામમાં ઓપરેશન સિંદૂરને લઇ અનોખી દેશભક્તિ જોવા મળી હતી જયારે કવ્વાલ દ્વારા ઓપરેશન સિંદૂરને લઇ શે’ર સંભળાવવામાં આવ્યો હતો
બોડેલી ખાતે આવેલા હિન્દુ – મુસ્લિમ સહિત અને અનેક ધર્મના લોકોની એકતા અને શ્રઘ્ધાના પ્રતિક સમાન હઝરત ગેબનશાપીર દાદા (ર.આ) ના ઉર્ષ મુબારકની ઉજવણી દર વર્ષની જેમ બે દિવસ ઉજવણી કરવામાં આવી હતી કોમી એકતા ના પ્રતીક સમાન હઝરત ગેબનશા પીર (ર.અ.)ના ઉર્ષના પ્રસંગે બોડેલી સહિત આસપાસના અનેક ગામના લોકો આસ્થા અને અકીદા સાથે દરગાહ ખાતે ઇબાદત, દુઆ-સલામ અને ફાતિહા માટે હાજરી આપી હતી.આ ઉપરાંત ગત તા. 27 ના રોજ મંગળવારે સાંજના સમયે હઝરત ગેબનશા પીર સરકાર (ર.અ.)ના સંદલ શરીફનો કાર્યક્રમ દરગાહ ખાતે યોજાયો હતો.
ત્યાર બાદ તમામ લોકો માટે આમ નિયાઝ (પ્રસાદી) નું અયોજન કરવામાં આવ્યું હતું જ્યારે બુધવારે બીજા દીવસે શિરોલા કમ્પાઉન્ડ ખાતે મુંબઈના મશહૂર કવાલ અદનાન નાઝા અને ઈરમ ચિસ્તીનો કવ્વાલીનો શાનદાર પ્રોગ્રામ યોજાયો હતો ઉપરોક્ત કાર્યક્રમમાં ઓપરેશન સિંદૂરને લઇ કવ્વાલ અદનાન નાઝાની અનોખી દેશભક્તિ જોવા મળી હતી
કવ્વાલ અદનાન નાઝાએ ઓપરેશન સિંદૂર અને પાકિસ્તાનને ધૂળ ચટાડનાર સોફિયા કુરેશી અને વ્યોમિકા સિંહને લઇ “વ્યોમિકા સિંહ ઔર સોફિયા કુરેશી સારે જગત મે છાગઈ” “પાકિસ્તાન કો સબક શીખા કે હિન્દ કી બેટી આગઈ ” શે’ર સંભળાવ્યો હતો જેને લઇ દેશ ભક્તિનું વાતાવરણ સર્જાયું હતું
આ કાર્યક્રમમાં બોડેલીના સરપંચ કાર્તિકભાઈ શાહ, અલીખેરવાના સરપંચ વિઠ્ઠલભાઈ રાઠવા, વકીલ લલિત ચંદ્ર રોહિત, મોહસીન મન્સૂરી, સામાજિક આગેવાન અનવરભાઈ મન્સૂરી, સમદ મન્સૂરી, મોનાબેન મન્સૂરી, અમજદ પઠાણ, અનવરખાન પઠાન, સાજીદભાઈ ધાબાવાલા અને દરગાહ કમિટી અને ગામના લોકો હાજર રહ્યા હતા