એક તરફ ગુજરાતના મુખ્યમંત્રી વીજળીનો બિનજરૂરી ઉપયોગ ન કરવા સૂચના આપી છે ત્યારે બોડેલીની સરકારી કચેરીમાં બેફામ વીજળીનો વેડફાટ કરવામાં આવી રહ્યો છે ઓફિસમાં કોઈ હાજર ન હોવા છતાં બિનજરૂરી વીજળી ચાલુ હોવાની વિગતો સપાટી પર આવી છે
એક તરફ ગુજરાત રાજ્યના મુખ્યમંત્રી ભુપેન્દ્ર પટેલ વીજળીનો બિનજરૂરી ઉપયોગ ન કરવા માટે સૂચના આપી છે જયારે બીજી તરફ બોડેલીની સરકારી કચેરીઓની ઓફિસોમાં બેફામ વીજળીનો વેડફાટ કરવામાં આવી રહ્યો છે બોડેલી તાલુકા સેવાસદનમાં અનેક ઓફિસોમાં બિન જરૂરો લાઈટો – પંખા ચાલુ હોવાનું જાણવા મળ્યું છે મામલતદારની ચેમ્બરની સામેથી ઓફિસમાં કોઈ બપોરે હાજર ન હોવા છતાં પંખા બિન જરૂરી ચાલુ રહે છે કદાચ બપોરનો સમય હોઈ રીશેષનો સમય હોઈ પરંતુ ત્યાં બેઠેલા જવાબદાર કર્મીઓ વીજળીને બંધ કેમ નથી કરતા તે પણ સવાલ છે
ત્યારે બીજી તરફ ઉપરના માળે પ્રાંત અધિકારીની ચેમ્બર પાસે કોઈ હાજર ન હોવા છતાં બિનજરૂરી પંખા ચાલુ હોઈ બેફામ રીતે વીજળીનો વ્યય થાય છે ત્રીજા માળે કોઈ બારી પાસે અજવાળું હોવા છતાં લાઈટો ચાલુ નજરે પડી હતી નીચે અને ઉપર આમ બંને માળે જવાબદાર અધિકારીઓ ચેમ્બરમાં બેસે છે છતાં તેઓ કદાચ અવાર જવર કરતા હોઈ તો તેને આ બાબત કેમ ધ્યાન નથી આવતી અથવા આ રીતે વીજળીનો વેડફાટ કરતા લોકોને કેમ સૂચના નથી આપી શકતા તે પણ ચર્ચા જાગી છે
આમ બોડેલી તાલુકા સેવાસદનમાં બેફામ લાઈટો ચાલુ રાખવામાં આવી હતી તેમ છતાં કેમ આ બાબતે ધ્યાન અપાતું નથી તે પણ એક સવાલ છે આમ સરકારી ઓફિસમાં પુષ્કળ પ્રમાણમાં વીજળીનો વેડફાટ થઇ રહ્યો છે અને વહીવટી તંત્ર મુખ્યમંત્રીની સૂચનાની અવગણના કરી ઘોળીને પી ગયું છે તે આ તસ્વીર પરથી સાબિત થાય છે