ડભોઇ
ડભોઇ નગરપાલિકાની મેલેરીયા શાખા દ્વારા ડભોઇના વિવિધ વિસ્તારો ફોર્ગીંગ મશીન દ્વારા જંતુનાશક દવા છાંટવામાં આવી હતી. પ્રાપ્ત થયેલ માહિતી અનુસાર ડભોઇના વિવિધ વિસ્તારો જેવા કે મહુડી ભાગોળ, રેલવે નવાપુરા, સુંદરકુવા, ચતુરભાઈ ની ચાલી, સોની ફળિયુ, તમાકુવાગા અને સોસાયટી વિસ્તારોમાં ડભોઇ નગર પાલિકાના મેલેરિયા શાખાના ઇન્સ્પેક્ટર રાજેશભાઈ કટારીયા દ્વારા તેઓની ટીમને સૂચના આપતા ડભોઇ નગરના વિવિધ વિસ્તારોમાં ઉનાળાની શરૂઆત પહેલાજ રાત્રી દરમિયાન મેલેરીયા વિભાગ દ્વારા ફોગીંગ મશીન દ્વારા જંતુનાશક પાયોરથમ દવા છાંટવામાં આવી હતી. મચ્છરોના કારણે અલગ અલગ રોગ ફેલાય છે તેને રોકવા માટે ડભોઇ નગરપાલિકા દ્વારા દવાઓનો છંટકાવ કરવામાં આવ્યો હતો.
મચ્છરોના કારણે મેલેરીયા ચિકનગુનિયા ડેન્ગ્યુના રોગોના થાય તેના માટે સાવચેતી રૂપે કામગીરી કરવામાં આવી રહી છે. ડભોઇ શહેરની આસપાસ આવેલી ખુલ્લી કાંસોના કારણે મચ્છરોનો ઉપદ્રવ વધુ પ્રમાણમાં થતો હોય અને હાલ ઉનાળો શરૂ થઈ રહ્યો છે જેને લઈને મચ્છરોના ત્રાસથી નગરજનો હેરાન પરેશાન થઈ ગયા છે. છેલ્લા ત્રણ દિવસથી ડભોઈ નગરપાલિકાના મેલેરિયા વિભાગ દ્વારા વિવિધ વિસ્તારોમાં ફોગીંગ મશીન દ્વારા દવાઓનો છંટકાવ કરવામાં આવી રહ્યો છે. ફોગીંગ મશીનથી રાત્રી દરમિયાન દરેક વિસ્તારમાં ડભોઇ નગર પાલિકાના મેલેરિયાના સ્ટાફ દ્વારા દવાનો છંટકાવ કરવામાં આવી રહ્યો છે. ડભોઇ નગરના વિવિધ વિસ્તારોમાં આકામગીરી ચાલુ કરવામાં આવી છે. નગરજનોને મચ્છરોના ત્રાસથી બચવા માટે નગરપાલિકા મેલેરીયા શાખા દ્વારા કામગીરી કરવામાં આવી રહી છે.
(તસવીર :બાલકૃષ્ણ શાહ -ડભોઇ)