ડભોઇ
ડભોઇની વિશ્વભારતી વિદ્યાલય છેલ્લા ૩૭ વર્ષથી વિદ્યાર્થીઓમાં રહેલી સુષુપ્ત શક્તિઓને વિકસાવવા માટે પ્લેટફોર્મ પૂરું પાડતી આવી છે. અને તેમના વ્યક્તિત્વ વિકાસને વેગ મળે તે હેતુસર અવનવી સ્પર્ધાઓ અને પ્રવૃત્તિઓ કરાવે છે. જેના ભાગરૂપે આજે શાળામાં સિંગિંગ ફેસ્ટ નું આયોજન કરવામાં આવ્યું હતું. જેમાં શાળાના વિદ્યાર્થીઓએ ભજન, દેશભક્તિ ગીત, લોકગીત, ભાવગીત, નાત શરીફ, તેમજ બોલીવુડ તથા ગુજરાતી મુવીના ગીતો ગાઈ સૂરીલો માહોલ બાંધી દીધો હતો. આપણે ટીવીમાં ઇન્ડિયન આઇડલ, સારેગામા, લિટલ સિંગર જેવા સિંગિંગ શો જોતા આવ્યા છે. ત્યારે શાળા દ્વારા નાના પાયે આવી સ્પર્ધાઓ યોજી વિદ્યાર્થીઓમાં સુરસંચાર કરી તેમના મનોબળને મજબૂત કરીને લાંબી ઉડાન ભરેતે માટે પ્રયત્ન કર્યો છે.
ડભોઇમાં વિશ્વભારતી વિદ્યાલય દ્વારા આવનારા સમય માં વિશ્વભારતી આઈડલ નું પણ આયોજન કરવામાં આવનાર છે. જે જાણી વિદ્યાર્થીઓની ખુશીનો પાર ના રહ્યો ન હતો અને વિદ્યાર્થીઓએ બમણા જોશ સાથે વિશ્વભારતી આઈડલ જીતવાની તૈયારી બતાવી હતી. જેના પરથી એમ લાગી રહ્યું હતું કે વિદ્યાર્થીઓમાં ઈચ્છા શક્તિ અને કંઈક કરી બતાવવાનું જૂનુંન કુટીકુટીને ભર્યું છે. આમ શાળામાં સિંગિંગ ફેસ્ટ નું આયોજન અર્પિતભાઈ એમ શાહના માર્ગદર્શન હેઠળ સુચારૂ રીતે થયું હતું. વિજેતા થનાર વિદ્યાર્થીઓના નામ પણ જાહેર કરવામાં આવ્યા. જેમણે શાળાના વાર્ષિકોત્સવમાં ઇનામ એનાયત કરી પ્રોત્સાહિત કરાશે. આ પ્રોગ્રામનું સફળ સંચાલન શાળાના શિક્ષક રાકેશભાઈ બારીયા દ્વારા કરવામાં આવ્યું હતું.
(તસવીર :બાલકૃષ્ણ શાહ -ડભોઇ)