સુરતના ડિંડોલી પ્રમુખ સર્કલ પાસે આવેલી સાંઈ શક્તિ સોસાયટીમાં ગત રાત્રે એક લગ્નમાં કેક શોપના માલિકે હવામાં ત્રણ રાઉન્ડ ફાયરિંગ કર્યું હતું. ડેનિશ કેક શોપ નામથી કેકની દુકાન ચલાવતા ઉમેશ તિવારીએ પોતાની લાયસન્સવાળી રિવોલ્વરથી હવામાં ફાયરિંગ કરતાં સંતોષ બઘેલ અને અન્ય યુવક વિરેન્દ્ર વિશ્વકર્માના ડાબા પગમાં ઈજા થઈ હતી. બંનેને સારવાર માટે હોસ્પિટલમાં ખસેડાયા હતા.
ઘટનાની તપાસ કરતી વખતે પોલીસને માહિતી મળી હતી કે લગ્ન ખૂબ જ ધામધૂમથી ઉજવવામાં આવી રહ્યા છે. કાર્યક્રમમાં હાજર રહેલા કેક શોપના માલિક ઉમેશ તિવારીએ આનંદમાં પોતાની લાઇસન્સવાળી બંદૂકમાંથી હવામાં ફાયરિંગ કર્યું હતું. પરંતુ આ દરમિયાન તેના હાથે સંતુલન ગુમાવ્યું અને ગોળી વાગી બે લોકો લાગતા ઈજાગ્રસ્ત થયા હતા.પોલીસે આરોપીની ધરપકડ કરી સરઘસ કાઢ્યું હતું. પોલીસે આરોપીને સ્થળ પર લાવી તપાસ શરૂ કરી હતી. આરોપી ઉમેશ તિવારીને સ્થળ પર લાવી પંચનામા હાથ ધરવામાં આવ્યો હતો.
બોમ્બ સ્કવોડની ટીમ પણ ઘટના સ્થળે પહોંચીને તપાસ કરી રહી છે.હાલ પોલીસે બનાવ અંગે પ્રાથમિક તપાસ હાથ ધરી છે. જો કે કેક શોપના માલિક ઉમેશ તિવારીનું લાયસન્સ રદ કરવામાં આવશે અથવા તેની ધરપકડ કરવામાં આવશે. આ મામલે પોલીસ શું વલણ અપનાવે છે તે જોવું રહ્યું.
અગાઉ પણ બની હતી ફાયરિંગની ઘટના સુરત ક્રાઈમ બ્રાન્ચ અને ઉધના પોલીસે 28 નવેમ્બરે મોડી સાંજે ઉધના વિસ્તારમાં આવેલી ફાયનાન્સ ઓફિસમાં જાનથી મારી નાખવાના ઈરાદે ફાયરિંગ કરવાના બનાવમાં છ પૈકી ત્રણ આરોપીની ધરપકડ કરી વધુ તપાસ હાથ ધરી છે. પોલીસ પૂછપરછમાં બહાર આવ્યું છે કે મુખ્ય આરોપીએ અગાઉ પણ ફાઇનાન્સર પાસેથી વ્યાજે પૈસા લીધા હતા. જે બાદ ફરીથી વ્યાજના પૈસા માંગવામાં આવતા ફાયનાન્સરે પૈસા આપવાની ના પાડી દીધી હતી. જેના કારણે આરોપીઓએ એક જૂથ બનાવી ફાઇનાન્સરની હત્યા કરવાનો પ્લાન બનાવ્યો હતો.