ભારત અને પાકિસ્તાન વચ્ચેનો શાનદાર મુકાબલો આજે એટલે કે 23 ફેબ્રુઆરીએ દુબઈ ઇન્ટરનેશનલ સ્ટેડિયમ ખાતે રમાશે. પાકિસ્તાન માટે આ કરો યા મરો જેવી મેચ બનવાની છે, ન્યુઝીલેન્ડ સામેની હાર બાદ યજમાન ટીમ માટે દરેક મેચ જીતવી ખૂબ જ મહત્વપૂર્ણ છે. ભલે પાકિસ્તાન ચેમ્પિયન્સ ટ્રોફીનું આયોજન કરી રહ્યું હોય, પરંતુ ટીમ ઈન્ડિયા તેની બધી મેચ દુબઈમાં રમશે. પાકિસ્તાને પોતાની પહેલી મેચ ઘરઆંગણે રમી હતી, ત્યારબાદ યજમાન ટીમ દુબઈમાં રમવા માટે તૈયાર છે. આ મેચના સમય અંગે ચાહકોના મનમાં ઘણા પ્રશ્નો ઉભા થઈ રહ્યા છે.
જાણો ભારત-પાકિસ્તાન મેચ કયા સમયે શરૂ થશે?
પહેલી મેચ જીત્યા બાદ ટીમ ઈન્ડિયાનું મનોબળ ઉંચુ છે. બીજી મેચ જીતીને, ટીમ ઈન્ડિયા સેમિફાઇનલ માટે ક્વોલિફાય થઈ જશે. જો પાકિસ્તાન આજે બીજી મેચ પણ હારી જાય તો તે સેમિફાઇનલની રેસમાંથી બહાર થઈ જશે. આ મેચ ભારતીય સમય મુજબ બપોરે 2:30 વાગ્યે રમાશે. મેચ માટે ટોસ બપોરે 2 વાગ્યે થશે. મેચના સમયમાં કોઈ ફેરફાર નથી.
ટીમ ઈન્ડિયાની સંભવિત પ્લેઈંગ ઈલેવન
રોહિત શર્મા (કેપ્ટન), શુભમન ગિલ, વિરાટ કોહલી, શ્રેયસ ઐયર, કેએલ રાહુલ (વિકેટકીપર), હાર્દિક પંડ્યા, અક્ષર પટેલ, રવિન્દ્ર જાડેજા, કુલદીપ યાદવ, મોહમ્મદ શમી, હર્ષિત રાણા.
ભારત સામે પાકિસ્તાનની સંભવિત પ્લેઇંગ ઇલેવન
ઇમામ-ઉલ-હક, બાબર આઝમ, કામરાન ગુલામ, મોહમ્મદ રિઝવાન (કેપ્ટન), સલમાન અલી આઘા, સઈદ શકીલ, ખુશદિલ શાહ, શાહીન શાહ આફ્રિદી, નસીમ શાહ, હરિસ રૌફ, અબરાર અહેમદ.