ડભોઇ
ડભોઇ તાલુકા ના પૂડા ગામ ની સીમ માં થી ગતરોજ મળેલ મૃતદેહ ની તપાસ હાથ ધરતા મિત્ર દ્વારા જ પૈસા ની લેતી દેતી મામલે હત્યા કરી હોવાનું સામે આવ્યું.ડભોઇ પોલીસે ગણતરી ના કલાકો માં જ હત્યારા મિત્ર ને ઝડપી પાડી આગળ ની કાર્યવાહી હાથ ધરી છે.
ડભોઇ તાલુકા ના પૂડા ગામ ની સીમ માં થી ગતરોજ પૂડા ગામ ના જ હસમુખભાઈ ભવનભાઈ ચૌહાણ નો મૃતદેહ મળી આવ્યો હતો.જેની જાણ થતાં જ ડભોઇ પોલીસે ઘટના સ્થળે જઇ તપાસ કરતા મૃતક ને માથા ના ભાગે ગંભીર ઇજા થઈ હોવાનું જણાયી આવતા પોલીસે હત્યા ની આશંકા હોવાનું તે દિશા માં તપાસ હાથ ધરી હતી.મૃતક ના ભાઈ ની ફરિયાદ ના આધારે ડભોઈ પોલીસ દ્વારા અલગ-અલગ ટીમો બનાવી આ અંગે તપાસ હાથ ધરવામાં આવતા ફરીયાદી જયંતીભાઈ તથા મરણ જનારની પત્ની સુરેખાબેનની તેમજ ગ્રામજનોની પોલીસ દ્વારા પુછ-પરછ કરતા જાણવા મળેલ કે મરણ જનાર ગઈ કાલ રાત્રે તેના મિત્ર અને સાથે નોકરી કરતા મિતેશભાઈ વસાવા નાઓની સાથે ગયેલ હોવાનુ જણાઇ આવ્યું હતું.જે બાદ પોલીસ દ્વારા મિત્ર મિતેશભાઈ વસાવા તથા અન્ય મિત્રના હ્યુમન શોર્સિશ દ્વારા મોબાઇલ નંબર મેળવી તેઓના લોકેશન કઢાવતા તેઓના લોકેશન વડોદરા જિલ્લા ના કરજણ ખાતેના આવતા હોય પોલીસ સ્ટાફ ની અલગ-અલગ ટીમો બનાવી મિત્ર મિતેશભાઈ તથા અન્ય મિત્ર સતિષભાઈ વસાવા ને કરજણ રેલ્વે સ્ટેશન ખાતેથી ઝડપી પાડી બનાવ સબંધે સઘન પુછ પરછ કરતા તેઓએ જ હત્યા કરી હોવાની કબુલાત કરી હતી.પ્રાથમિક તપાસ માં પૈસા ની લેતી દેતી ના મામલે હત્યા કરી હોવાનું આરોપી એ પોલીસ પૂછપરછ માં જણાવ્યું હતું.ડભોઇ પોલીસ દ્વારા ગણતરી ના કલાકો માં જ હત્યા નો ગુનો ડિટેકટ કરી આરોપીઓ ને ઝડપી પાડી આગળ ની કાયદેસર ની કાર્યવાહી હાથ ધરી હતી.